當年今日
關於我們
隔牆有耳:82歲生日 半島賣弄風情 - 李八方
蘋果日報 2010/12/11 00:00
半島酒店噚日慶祝82歲生日,除咗有舞獅贈興,大堂又擺咗雞蛋仔、缽仔糕等傳統街頭小食。酒店亦推出《半島心香江情》中英對照書冊,由50位前任同現任職員撰寫,免費送畀住客;書中介紹電車、纜車、渡海小輪係遊客必搭,就連油麻地果欄都提到,話雖然環境欠佳,但地道風味。
喺半島服務年資最長嘅68歲鍾金雄Johnny,15歲已經做調酒學徒,一做53年,佢話最記得係尖沙嘴以前有好多小販檔,酒店前面行人路有人織竹草蜢同埋整麪粉公仔,好受小朋友歡迎,不過因為都市發展步伐太急速,淘汰呢班街頭藝術家,惟有去油麻地或者筲箕灣等老區,至搵到童年回憶。
缽仔糕街知巷聞,絕對係香港傳統街頭小食必推之選。