本月15日係蔡依林嘅34歲生日，正當佢仲開開心心上載生日蛋糕相之際，男友錦榮送咗大大份生日禮物俾佢——食就係食，但唔係食蛋糕，而係偷食女女。

貴為樂壇天后，蔡依林同錦榮(VJ戀)拍拖4年幾，戀情越來越高調，十足十「老夫老妻」。VJ上月被拍到同遊英國，大街上牽手；早前更被撞見拍住拖落便利商店買牛奶，被稱為「VJ夫婦」。錦榮亦直接喺網上，向女友獻上生日祝福，貼圖寫住：「Happybirthday!Here’surcake，makeawish！」高調祝壽。點知就有網民爆料贈興，指錦榮私下約其他女子過夜，更公開其部分電話號碼佐證。

呢位網民爆料話，曾收過錦榮嘅短信，約佢去屋企過夜，不過女方拒絕，仲cap埋錦榮個電話號碼做爆料證據。台灣傳媒話經查證後，發現又真係同錦榮個電話no.一樣喎!

不過呢，你爆人料時，人亦可爆番你。該名爆料網民被「人肉」查出曾就讀倫敦政治經濟學院，交往對象幾乎大部份都係老外，難怪佢話錦榮唔係佢杯茶。其實錦榮都唔係第一次被爆背女友偷食，唔知最終蔡依林能否收服到呢隻面形都似足隻馬嘅野馬呢？