現年44歲嘅「力王」樊少皇與前女友育有一子一女，據悉大女同細仔今年已經大約20歲同15歲。樊少皇與賈曉晨(JJ)喺前年結婚，雖然樊少皇近年惹上錢債官司，被追討本金連利息約港幣835萬，但老婆JJ仍不離不棄，近日更傳出有喜消息，JJ喺周一(19號)樊少皇生日當天貼咗張同狗仔嘅「全家幅」，已明顯見到肚凸凸，但當日佢透過經理人話﹕「多謝關心，遲啲先回應大家。」(相關新聞﹕ http://bit.ly/2s2l8fM )

事隔5日，樊少皇同JJ今日終於喺微博公佈喜訊，貼咗一張互相對望嘅sweet爆合照，各自拎住一杯茶，個樣好優哉悠優。不過相片只影半身，JJ仲不經意用手遮肚，但相信能夠公佈得都係過咗3個月。JJ留言﹕「謝謝大家的祝福！是的，我們現在三個人了！」樊少皇隨即轉發JJ嘅貼文，仲用咗一男一女同一個BB嘅EMOJI圖案，代表佢哋一家三口。