當年今日
關於我們

吳若希儲到一半首期想買樓

蘋果日報 2013/11/01 06:00


吳雨霏、吳若希同松岡李那噚晚到銅鑼灣出席時裝品牌活動,吳雨霏表示剛剛拍完MV,之後就趕嚟出席活動,由於有工作在身,所以就未能同一班好姊妹共度萬聖節,怇話:「年年都有DIY,上年我扮爆谷女郎,原本今年扮鬼新娘,但依家扮唔到。」

吳雨霏透露拍咗一首新歌的MV,仲要一TAKE過拍攝,所以佢跳舞跳足十幾次,自言跳到腳軟。而本月20號佢就會推出新專輯,今次專輯花咗十個月時間做碟,佢亦俾咗唔少心機,問到係咪為爭獎而選擇喺年尾出碟,佢話:「本身係想年尾出,唔係爭獎,反而今年希望攞創作人嘅獎,因為今年有寫曲寫詞。」

吳若希自爆小學6年級開始已支持這個品牌,以前會儲錢買衫,亦會做兼職搵錢,佢話:「細個貪靚,依家都會將收入儲一半錢,之後做小投資,買人民幣,自己好想開美容院,亦都想買樓先,依家儲到一半首期,仲欠一半,相信目標唔遠,因為依家加入左TVB,距離唔會好遠。」唔知佢想買咩價位嘅樓呢?