今日係許廷鏗25歲生日，佢噚晚到亞博為「新城華語好聲音大熱唱」表演時，獲老闆何哲圖率領旗下歌手為佢喺台上切蛋糕慶祝生日，台下有觀眾抵死大叫咀欣宜，不過許廷鏗就扮聽唔到，完全沒反應。

事後許廷鏗表示4月有太多不幸嘅事發生，好似陳僖儀逝世，佢認識嘅一位前輩暈倒未醒，所以要好好珍惜現在嘅時間。記者提議佢要搵個伴時，佢竟反問：「女朋友呀？搵個伴呀，任何伴侶都唔想搵住，時間不准，做好工作先，戀情唔諗，自己想2013年少啲緋聞。」

而對於有粉絲起哄叫佢咀欣宜時，佢即話：「咁斗膽講呢啲野，不過我公司大部份都係女仔。」記者笑指吳若希踢爆許廷鏗冇望過佢時，許廷鏗就話：「佢性感先唔敢亂望，費時畀人影到話我視線咩。」至於問到係咪吳若希吸引唔到佢時，佢即驚青話：「唔敢講，佢係女神BB，依家唔敢講兒女私情。」