亞視拖糧問題未解決，新投資者司榮彬連日現身亞視，就連今日都照返亞視開會，向記者表示部分只員工有糧出，其餘員工幾時出糧仍然係未知之數。

亞視無情，不過阿東有情！邊個係阿東？之唔係亞視公關及宣傳科高級經理黃守東。雖然未出糧，不過阿東日日照樣執到正返工；股東老闆管理層個個潛水避傳媒之際，阿東真係一日出嚟幾次解畫，就算明知根本冇得解，都頂著頭皮頂，仲有無數會議要開……呢種苦況，前執董葉家寶好明。

阿東亦都好明白傳媒抵寒冒雨、守候亞視門口餐風飲露之苦，私下「扲荷包」買餅招呼在場記者同伙記，雖然只係普通的一包餅，有冇餅味都好，未食都知道有濃濃的人情味。今日仲買咗幾袋飲品同蛋撻請記者，真係亞視無情，阿東有愛！

其實阿東喺亞視已有7年，即使依家環境咁惡劣，佢仍然留守，並視為人生挑戰，年初一仲去黃大仙為公司前程求咗支上翻籤。咁好嘅員工，點解要入亞視？