依家個個都潮玩App「17」,去到邊就拍到邊,總之將自己做緊乜,直播畀晒大家睇!不過大家影相又好,live又好,其實來來去去都係嗰類場景,包括床、浴室、車、卡拉OK房等等。
亦都有人想盡辦法吸引大家去like,唔單止騷腿、素顏咁簡單,有人竟然直播床戰、全露跳舞、私處特寫、沖涼直播等等淫穢片段。
其實喺手機App發放呢類淫穢片段或者圖片係有規管,黃國桐律師今日接受本報電話訪問時,佢透露由通訊事務管理局規管,而警力亦都有權監管。至於App投資開發者黃立成會唔會涉及刑事責任﹖黃國桐律師話:「如果去到放縱地步,即係用人哋,佢係出版,係要負上刑事責任。」
對於黃立成曾經透露有員工24小時監察,會對違法者進行封鎖,黃國桐律師表示:「如果一段時間都仲係咁,擺明即係非實,24小時有人睇住,冇可能咁樣,呢個係好大疏忽。」