會計師話，有五千萬資產淨值，就值得做離岸家庭信託，避晒啲香港遺產稅。五千萬元以下嘅，唔值得做家庭信託喎，淨係畀律師費、信託費、管理費，都唔合資產比例啦。故此在香港繳交遺產稅嘅，絕大部份係中產，唔係富翁。唐司長話根據稅務局統計，七成以上繳交遺產稅嘅，都係擁資二千萬元或以下，即係買咗兩層太古城大海景單位，供甩咗按揭之人，核心中產人士。
政府今次叫做益吓中產，其實最終益埋全香港。以後東南亞啲富商可以放心調資金嚟香港買樓買股票，唔使驚遺產稅，基金投資界、樓市、信託界應該好有得益。取消遺產稅犧牲咗十五億元稅款，可以從新嘅經濟活動搵番。附近周邊國家地區紛紛取消遺產稅，如果香港唔追上時代，就會落後於人，失去競爭力！