當年今日
關於我們

【中環寸嘴】香港赤化 猶記馬姐血淚史

蘋果日報 2019/09/17 13:30

財經財經


𡃁仔攞住英國旗、美國旗喺度搖旗吶喊,立即刺激中央神經,中共喉舌就警告持有外國護照嘅香港人,唔好企錯位呀。 等如啲人大、政協咁,要放棄外國護照囉。老實講揸旗班友仔,又點會係持有外國護照呢?不過喺度不得不與各位持有外國護照嘅香港人,分享我年幼時馬姐對我講嘅一番真心話。



本少爺乃家中長子,亦是唯一遺傳阿爺的雙斷掌之相。幼年時家中食指浩繁,一個馬姐負責煮飯,另外三個負責湊仔,老豆老母外出揾食,我正式喺「四娘教子」。馬姐真係當我自己人,好忠心㗎,唔似得依家啲「篤灰印傭」。細個見馬姐曬乾啲食剩米飯寄返鄉下,不時見她眼濕濕,問佢乜事,馬姐答:「大官啊、大官,如果共產黨殺到入嚟,你唔好唔驚呀!一殺入嚟你就要走,走得一個得一個,好似我咁,寧願每月寄錢返鄉下接濟啲人,等佢哋有外匯券使,我一個人逃出來打工,全家先得救。」正所謂人離鄉賤,我家陣一把年紀,又點會再出走?只不過一但赤化或者實施外匯管制,我都有張Trump Card,亦都已啟動我幾間銀行,到時每間每月滙1萬幾千美金俾我使,等我可以保持住好似在友誼商場購物,用外匯券嗰種status 咁啦!
9月2日起升級條件將更新 繼續每月撐壹仔 講真心話撐住我香港!
empty