【廣告低潮】奢侈品客大減預算 商場活動全停 曾錦強：預捱打一年
蘋果日報 2019/12/27 07:00
廣告財經曾錦強財經
在大是大非下，各行各業亦難獨善其身。
「我入行30年，都真係未遇過咁大嘅浪潮，就算係沙士期間嘅影響都無咁嚴重，因為沙士持續嘅時間無咁長。」廣告公司老闆曾錦強（KK）在創業前曾在全球最大媒介廣告集團GroupM，擔任香港區行政總裁十多年，管理300人的團隊。
見慣風浪、縱橫廣告界多年的他在七年前決定自立門戶，至今擁有18間子公司。換了身份的他坦言，這半年社會氣氛悲觀，公司在過去數月曾錄得虧蝕，全年盈利按年跌一半。然而生意總會有上有落，KK也十分明白，「今次對廣告行業嘅衝突係特別大，因為呢個時候好難去傳遞吃喝玩樂等等嘅訊息，太歌舞昇平確實唔係好適合。」立法會選舉將於明年舉行，他相信整體氣氛仍會比較緊張，企業訂立預算時會參考今年情況而變得保守，市況料持續低迷，廣告界將要再捱打一年，才能看到曙光。
「我入行30年，都真係未遇過咁大嘅浪潮，就算係沙士期間嘅影響都無咁嚴重，因為沙士持續嘅時間無咁長。」廣告公司老闆曾錦強（KK）在創業前曾在全球最大媒介廣告集團GroupM，擔任香港區行政總裁十多年，管理300人的團隊。
見慣風浪、縱橫廣告界多年的他在七年前決定自立門戶，至今擁有18間子公司。換了身份的他坦言，這半年社會氣氛悲觀，公司在過去數月曾錄得虧蝕，全年盈利按年跌一半。然而生意總會有上有落，KK也十分明白，「今次對廣告行業嘅衝突係特別大，因為呢個時候好難去傳遞吃喝玩樂等等嘅訊息，太歌舞昇平確實唔係好適合。」立法會選舉將於明年舉行，他相信整體氣氛仍會比較緊張，企業訂立預算時會參考今年情況而變得保守，市況料持續低迷，廣告界將要再捱打一年，才能看到曙光。
擴充公司後遇上巨浪
KK旗下公司包攬content marketing、event、公關及出版社等業務，曾為曾俊華助選的宣傳班底Secret Tour，亦是他的子公司。集團發展一直順利，因而在去年底進行擴充，多開兩間公司，員工人數由120名增加至140名。
「其實上半年生意幾好，整個集團生意錄得三成增長。但踏入六月後業務無可避免地收縮，下半年大概跌咗兩成。廣告業其實一般下半年比上半年旺，所以拉均營業額其實同上年差唔多。」由於公司增聘了人手，開支增加，盈利因此比去年下跌一半。
事實上，這半年香港的零售及旅遊業受到很大衝擊，「過去數個月，大家好難預知何時何地會發生咩事，所以好多戶外活動都很難舉辦。另外，就算係商場活動，都因為好多次事件會延伸影響埋商場入面，所以客戶都暫時唔搞活動住。」KK表示相關的消費品及奢侈品客戶因此收緊預算，或直接抽起原先的廣告計劃。
對比下，以往不算最主要客戶的NGO，卻在這段時候扶了公司一把，成為集團較穩定的收入來源。「銀行同金融客戶嘅影響暫時未算好普遍，另外部分NGO因為已經獲批馬會嘅資助，所以個類客人嘅工作仍然維持緊。」雖然KK公司主從事內容創作，甚少涉及到媒介投放等工作，但作為消費者的他也留意到民眾發起的杯葛行動，「有網民對大台或者港鐵有意見，我估計部分客戶因而會較小心，會唔落咁多廣告，或者喺相關平台抽起廣告。」
「其實上半年生意幾好，整個集團生意錄得三成增長。但踏入六月後業務無可避免地收縮，下半年大概跌咗兩成。廣告業其實一般下半年比上半年旺，所以拉均營業額其實同上年差唔多。」由於公司增聘了人手，開支增加，盈利因此比去年下跌一半。
事實上，這半年香港的零售及旅遊業受到很大衝擊，「過去數個月，大家好難預知何時何地會發生咩事，所以好多戶外活動都很難舉辦。另外，就算係商場活動，都因為好多次事件會延伸影響埋商場入面，所以客戶都暫時唔搞活動住。」KK表示相關的消費品及奢侈品客戶因此收緊預算，或直接抽起原先的廣告計劃。
對比下，以往不算最主要客戶的NGO，卻在這段時候扶了公司一把，成為集團較穩定的收入來源。「銀行同金融客戶嘅影響暫時未算好普遍，另外部分NGO因為已經獲批馬會嘅資助，所以個類客人嘅工作仍然維持緊。」雖然KK公司主從事內容創作，甚少涉及到媒介投放等工作，但作為消費者的他也留意到民眾發起的杯葛行動，「有網民對大台或者港鐵有意見，我估計部分客戶因而會較小心，會唔落咁多廣告，或者喺相關平台抽起廣告。」
生意轉差 福利依舊
KK向來有「變態」老闆之稱，重視共享成果；公司最著名的是實施「433分紅制度」，利潤四成分予員工，三成予股東，最後三成留作發展資金，員工另可享有「兩天生日假」、加班飯錢不設上限等各種福利。縱使前景未明，KK強調福利及分紅制度並不會有所改變，也未會劃一凍薪。「大家賺得多分得多，賺得少就分得少。我哋公司成立咗七年，資金有一定累積，所以我相信會捱得過。」
尊重員工個人自由
「呢代人成長時嘅社會意識會較強，除咗打工賺錢，佢哋多咗社會考慮，挑選工作時會考慮公司係咪一間好企業、會考慮做嘅事係咪對社會有益。」作為老闆，他留意到年青人的轉變和需求，他認為：「其實人好簡單，喜歡自由，喜歡被尊重，喜歡被認同，這類需求係好統一。」
廣告界人士於12月初時，發起一連五天的大罷工，KK則採取比較自由的態度，讓員工自行決定罷或不罷，強調不會向任何一邊立場的同事施壓。「自由係我哋好重視嘅價值觀，我哋甚至唔洗罷工嘅同事請假，罷工都會糧出。廣告行業係知識型經濟，呢段時間員工如果遇上交通問題，除非係約咗客開會，如果唔係我都叫佢哋唔洗堅持返辦公室，度橋寫文喺屋企做都可以。」
剛把大埔區議會主席黃碧嬌拉下馬的大埔區寶湖廣福候任議員連桷璋，正正是KK旗下公司的前員工，他分享：「KK份人好隨和，最印重深刻嘅係佢每年新年派利是，都會準備好多唔同嘅利是封入唔同面額嘅錢，等大家好似抽獎咁抽。」而KK對於連桷璋成功當選亦感到欣慰：「好鄧佢開心，因為知道佢好希望可以服務自己嘅社區。」
廣告界人士於12月初時，發起一連五天的大罷工，KK則採取比較自由的態度，讓員工自行決定罷或不罷，強調不會向任何一邊立場的同事施壓。「自由係我哋好重視嘅價值觀，我哋甚至唔洗罷工嘅同事請假，罷工都會糧出。廣告行業係知識型經濟，呢段時間員工如果遇上交通問題，除非係約咗客開會，如果唔係我都叫佢哋唔洗堅持返辦公室，度橋寫文喺屋企做都可以。」
剛把大埔區議會主席黃碧嬌拉下馬的大埔區寶湖廣福候任議員連桷璋，正正是KK旗下公司的前員工，他分享：「KK份人好隨和，最印重深刻嘅係佢每年新年派利是，都會準備好多唔同嘅利是封入唔同面額嘅錢，等大家好似抽獎咁抽。」而KK對於連桷璋成功當選亦感到欣慰：「好鄧佢開心，因為知道佢好希望可以服務自己嘅社區。」
未打算離開
這段時間香港風雨飄搖，有能力走的香港人也選擇離開，或已計劃後路。年過50的KK指，近日朋友間的聚會亦離不開討論移民；他開宗明義地分享：「起碼到呢刻我都未有移民打算，無任何行動，都無轉移資金。」他深信，香港依然會是個自由的城市，「生於斯長於斯，我暫時未搵到另一個地方想過去生活。」
撰文：黃綺敏
拍攝：廖健昌
撰文：黃綺敏
拍攝：廖健昌