LMF同MCHotDog喺香港開騷﹐吳浩康（Deep）、葛民輝同吳彥祖等捧場，Deep話嚟緊會開班教學生唱歌，佢話：「第一次，所以先租地方教，如果反應好，會同埋Closer嘅隊友，一邊教唱歌，一邊教樂器，心理壓力都好大，本身係歌手又做老師，唔可以差，行為亦都要比以前更加謹慎，因為為人師表。」佢好老實咁話賺錢係佢教唱歌嘅其中一個原因。

無綫成立唱片部星夢娛樂有限公司捧自己友，唔知阿Deep有冇擔心喺頒獎禮上面會被分薄，佢話：「呢啲嘢唔係歌手考慮，一路以來都係交比公司，上一次(指TVB節目)定十次，每次做好自己先係我責任。」