張建聲、何珮瑜與松岡李那今晚在銅鑼灣為電影《作家的謊言：筆忠誘罪》舉行首映，大會事前已於通告表明取消首映儀式，只會如常播映電影。

首次擔任監製及主演的張建聲，甫到場已顯得悶悶不樂未有笑容。受訪時，他感謝各位演員，透露電影試映會反應很好：「多謝香港市民，（支持）我哋呢啲低成本港產片。」問他有否打算執導？張建聲說：「未有咁快，睇吓票房點、個市點先，我都係做番好自己演員嘅本份。噚日我先同Stephy（鄧麗欣）拍完電影《殘影空間》，要演多重人格，情緒上有啲平伏唔到。」

至於會否瘋狂謝票谷票房？張建聲聞言突然眼濕濕說：「唉，唔知為乜，唔知會唔會謝票。快啲搞掂件事，唔好流血好嗎？冇生活，何來娛樂呢？可唔可以處理得好啲呢？唔好再互相傷害啦，好嗎？大家都有阿媽生㗎。唔好講邊個啱唔啱，點解唔四四六六坐低傾？」問他是否因為近日反《逃犯條例》的新聞所影響？張建聲情緒有點激動說：「我只係想講，各行各業，每個人都有付出，如果因為某啲原因令某啲人付出嘅努力白費，我好唔心甘命抵。點解唔坐低傾吓？係咪要去到咁盡先？希望《作家的謊言》大賣，多謝。」語畢，他轉身離開。

同場的何珮瑜，戲中要素顏兼醜化上陣：「因為個角色都幾歇斯底里，要玉石俱焚嗰啲。為咗個角色，我日日食六個飯盒增肥咗廿磅，原本煞科之後減緊（肥），點知一哥（老闆蕭定一）話要補拍個結局，令件事恐怖啲，但係我就冇時間再肥番。」她自爆與初戀男友分手時，曾丟對方電話及電腦，自言都有點像戲中角色。

至於提到昨日的反《逃犯條例》示威，何珮瑜表示有留意新聞：「我睇完都唔開心，希望唔好再有人受傷。」

--------------------------------
【新聞有價】6月17日起 繼續撐蘋果
https://hk.adai.ly/GTPgDi0woX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9