韓國天團BIGBANG嘅太陽聽晚喺亞博館舉行「White Night World Tour」演唱會，太陽今日率先襲港為個唱做準備。

太陽噚晚先喺菲律賓馬尼拉開騷，今日一早已火速襲港為演唱會做準備。今早約7時30分，太陽喺約10名保安貼身照顧下抵港，佢未有行VIP通道，因太早關係，現場唔算多粉絲等候佢，戴上口罩嘅太陽顯得很疲倦，未有同粉絲打招呼，有粉絲仲話朝早4點幾已來等太陽，認真誇張。而抵港後，太陽都好識冧粉絲，即時除罩自拍上網。