意大利畫家伯比尼（Fabrizio Birimbelli）之前畫過好多得意圖畫，將唔同球星、教練畫到好似啲十九世紀歐洲大將軍咁，形象非常威武！伯比尼最近搞搞新意思，就係將尼馬、美斯、基斯坦奴朗拿度（C朗）同埋伊巴畫成日本武士，出嚟嘅效果毫無違和感！

睇返啲畫，C朗着住皇馬波衫擺出射罰球嘅招牌姿勢，而個波仲係著緊火。至於伊巴就好有霸氣，佢着住件印上曼聯、瑞典標誌嘅武士服，攞住把劍係度揮舞，簡直係呂布嘅化身。而美斯同尼馬都畫得好有神韻，只不過動作冇咁大。

英國傳媒報道，伯比尼係意大利人，喺羅馬任職電腦程式員，副業就係畫呢啲得意圖畫。佢之前亦都有好多出名畫作，將托迪、基沙文、雲格等等畫成為大將軍。

----------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKG