去年首季開倉即贏出三十六場頭馬的練馬師沈集成，口中的成功之道雖然離不開「準備自己、抓緊機會」等老生常談論調，不過，由見習騎師至當馬伕，再到今天身為一廐之主，由低做起的三十年馬圈生涯，「抓緊機會」確切是沈集成的成功寫照。
沈集成於七六年加入香港賽馬會當見習騎師，七年鞍上生涯勝出二十多場頭馬，「當時見習生嚟講都唔算少」。然而，熱愛踢足球的他，一次意外右眼被皮球省中，教他養傷兩年，更扼殺了騎師生涯。少年無知的他，終日沉迷與不良朋輩耍樂。
迷惘時，沈集成跟隨父親到酒樓當會計，內心則期盼重回馬背。八五年決定重返馬會，擔任最基層的馬伕工作；其母當時曾極力反對：「又唔係無飯開，做乜嘢馬伕？」他總是一句「唔係為錢喎」。

「做錯要雙倍受罪」
轉職馬伕，他未有心灰意冷，卒爭取到轉任策騎員機會，即使每天與脾性頑劣的馬兒鬥智鬥力，他卻樂在其中。沈集成明白「想升一定要做大倉」，九五年轉到當時得令的愛倫馬房出任副練馬師。每次馬房派馬到外地遠征，他都充當先鋒。
千里馬亦需伯樂扶助，剛退休的練馬師愛倫絕對是沈集成的「伯樂」。沈集成坦言，出任愛倫馬房副練馬師長達八年，與「阿頭」愛倫「感情重好過我爸爸」，愛倫的言行更是對他「一世人影響最深」。轉職練馬師匆匆一季，他在晨操時仍經常戎裝操馬，「我就係鍾意同一班人一齊騎馬。」
回望過去，沈集成嘗遍「做嘢要雙倍努力，做錯要雙倍受罪」的滋味，叫他倍加珍惜所有。他教導女兒或年輕一輩時，總不免叮囑「唔好行咁多冤枉路，要用好多腳力行返正。」當中包藏無數失敗的經驗及教訓。
記者：蔡建豪