【幾可亂真】古天樂扮匪打劫珠寶行 市民誤以為真引起恐慌
蘋果日報 2019/09/24 16:44
古天樂顏卓靈姜皓文犯罪現場
古天樂、張繼聰、宣萱、顏卓靈等主演，爾冬陞監製，馮志強編導的懸疑電影《犯罪現場》，下月上映。其中一場在佐敦鬧市實境拍攝的重頭戲「珠寶金行搶劫」，耗資7位數字搭建「利生珠寶行」，更封鎖部分佐敦道及彌敦道進行拍攝馬路狂奔戲份。
戲情講述古天樂飾演的劫匪，夥同黨凌文龍、李璨琛、吳浩康及張松枝到「利生珠寶行」打劫，飾演警察的姜皓文（黑仔）帶領顏卓靈、徐廣林等警員追捕，拍慣槍戰動作片的古仔說：「好多時我哋拍戲都係借個廠景，好少真係喺鬧市取景，今次租咗個鋪位，實境搭咗間珠寶店出嚟，個感覺好真實，震撼性好大。」
說到拍攝的難處，古仔說：「拍攝珠寶行要爭取時間，因為涉及街燈，夜晚12點過後，街道好多街燈、霓紅燈都熄。好多景要封街拍，拍嗰晚都引起咗啲恐慌，大家都真係以為有人打劫，我個角色要揸支機關槍係咁掃，感覺比較少有。」
古天樂新片中飾演劫匪
顏卓靈在十字路口拍追賊戲，心情緊張。