國際電影盛事第71屆威尼斯影展繼續舉行，喺香港時間昨晚深夜至今朝凌晨，有兩齣競賽片《99Homes》同《AnimeNere》分別舉行記者會同首映。

其中由美國導演RaminBahrani執導嘅《99Homes》記者會上，有安德魯嘉菲（AndrewGarfield）同米高沙朗（MichaelShannon）兩位男主角現身，Andrew被問到係戲中飾演一個年青爸爸，留到滿面鬚，有乜嘢準備功夫？現實生活中，想唔想做人爸爸？佢有啲尷尬咁話：「從基因方面，我係可以成為爸爸，呢種係一種本能，所以應該會咁樣。準備角色方面，係一個協調嘅過程，表面嘅DennisNash（戲中角色），同深入啲嘅Dennis，要想像創造一個家庭，要做資料搜集，呢個唔單止係拍戲，對我嚟講仲係一種教育，了解呢個世界有啲好荒謬嘅工作，我地要了解呢個世界。」

導演Ramin話自己最著重這套戲嘅部份係演員，又話：「我遇見Andrew係一個很美妙嘅日子，是我嘅生日，3月20日，呢個係我嘅生日禮物，有同Andrew傾過呢套戲，一起研究角色，大概有10次，同米高傾嘅過程都一樣。」不過米高立刻講笑話自己唔係好清楚故事所講嘅危機點解，就算自己演咗今次呢個角色都唔理解。

之後行紅毯，導演Ramin、安德魯同米高都好親民，不停幫紅毯上等佢哋嘅fans簽名。