法國國家隊前年發生醜聞，賓施馬涉嫌協助朋友，用性愛影片恐嚇同勒索翼鋒華布拿，宜家仲喺法國法庭審訊緊，皇馬前鋒賓施馬都仲未入番國家隊，事件另一主角華布拿，亦都決定離開法國呢個傷心地，加盟土超費倫巴治。

32歲嘅華布拿今季效力緊法甲里昂，里昂新一季就冇歐聯踢，養唔起華布拿，所以俾佢自由身轉會；華布拿好快搵到後路，周一上載乘飛機往伊斯坦堡嘅自拍照，費倫巴治官方網頁亦都宣佈佢加盟嘅消息。