英皇3T鄭希怡、蔣雅文(Mandy)及劉思惠(Maggie)昨日在樂富中心,出席「武出羊年新氣象」活動。早前台灣《壹週刊》拍得成龍夜會有「人工美女」之稱的女模特兒李庭,昨日問有「龍嫂」之稱的Yumiko是否認識李庭時,她口快快說:「邊個嚟㗎?人妖嚟㗎?」
探對手虛實
其後記者解釋李庭只是曾整容,Yumiko又說:「咁咪好囉,我可以甩難啦。」不過Yumiko又好奇問關於李庭的事,她說:「佢係咪好靚㗎?全部都整過晒㗎?」
有報道指李庭上圍達34D,問Yumiko會否考慮整容?她說:「𠵱家唔興胸大,我驚整容㗎。」
早前有傳Yumiko亦曾做割雙眼皮手術,問她當時是否不開心?她即沒好氣地說:「有人話我整過容㖭,我都冇去諗,是但啦。我出道同𠵱家個樣都有唔同,話我整過容咪代表我靚過之前囉。」
「邊有團年㗎」
另一邊廂,成龍昨日在灣仔出席樓盤宣傳活動,問他會否返美國度歲?他說:「我哋邊有團年㗎,個仔都去咗波士頓讀書。」
採訪:卓美娟、汪正文
攝影:仇志德