64歲的金燕玲今日到商台接受「蜜友」蘇施黃主持的《大玩派》訪問，承認在今年初發現患有子宮癌。

金燕玲於節目中講到住院時的情形，她憶述在住院時看過一個節目介紹日本傳統職業海女，其中一位年屆八十的婆婆仍然努力在海洋中工作，婆婆說在船上工作、進食，辛苦又隨時嘔，但婆婆說：「辛苦都一定要食嘢。」結果改變了金燕玲抗癌的心態，令她覺得有體力先可以對抗病魔。

金燕玲又提及住院時覺得「全部嘢唔啱心意」，在旁的蘇施黃即舉例解釋：「喺病房佢覺得熱到不得了，話要開冷氣，但我哋凍到震，五分鐘後又話好凍要熄冷氣，半個鐘後又話熱得滯。另外仲有件事係，唔好喺佢面前食嘢，佢聞到會話好臭。」金燕玲覺得自己尚算幸運，發現患病有好多人關心，例如好似施南生會煮水餃，其他朋友都會帶食物探病，但金燕玲說：「一開始都食得，但之後就覺得臭。」

蘇施黃形容金燕玲似大肚婆：「嗰日情人節，佢應該唔知，但突然話想食栗子蛋糕，仲要指定店家，啲栗子蛋糕要訂嘅，我打畀一個最好嘅朋友，叫佢幫我搵個栗子蛋糕返嚟，因為係佢先做到，結果我個朋友成功班到個蛋糕嚟。下午三點拎，我同金燕玲兩條友食，食咗好大個，呢次係佢入醫院咁耐，第一次話好好食。」金燕玲又指當時胃口差，越病越食不想進食，但只要自己開口要求，蘇施黃都會買得到，所以自己瞓到暈陀陀，都會起身進食，希望有更多體力抗病。

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM

《Captain Marvel》完全導讀本
足料78頁 深度解構最強英雄！
https://bit.ly/2VyXIt2

第二屆最港電影大獎投票網址
https://bit.ly/thekongestfilmawards2018