當年今日
關於我們

【遇黑男街頭實驗】人氣KOL有眼不識「香港頂級美女」就係Heidi

蘋果日報 2017/09/22 20:45

Super GirlsHeidi李靜儀黑男街頭邱比特

現下年輕人越嚟越忙,好多時都冇時間冇本錢拍拖,最緊要嘅係,就算想拍拖,都唔見得有合適嘅目標,喺台灣,就有一個網絡紅人「黑男」,專門喺街頭搵嚟單身男女,仲即場配對,幫佢哋搵到合適對象,睇番佢囓往積,原來都有唔少男女係因為佢嘅節目而成功拍拖。
點解會提到「黑男」呢?事關喺今日「黑男」嘅《街頭邱比特》節目中,竟然搵到一個香港人熟悉嘅身影,佢就係Super Girls嘅Heidi李靜儀喇。《街頭邱比特》一向都係喺街頭捉啲單身男女嚟配對,今次搵到Heidi都可以話係意外之喜,影片開頭黑男循例都會問下問題,例如係咪單身,身高,目標要求咁,而Heidi都好大方咁一一解答,而當日Heidi俾黑男嘅目標要求就係「一米八,酷酷的」,當黑男問到Heidi職業嘅時候,Heidi直接話自己係香港藝人,仲話自己嘅夢想係成為一個出色嘅演員。
傾完一輪之後黑男就叫Heidi喺原地等一陣,之後就一支箭咁衝出街頭搵目標,不過好可惜,搵咗幾個啱心水嘅都唔係單身,而因為Heidi趕時間嘅關係,最尾都係搵唔到適合嘅人選,都真係唔知係可惜定可喜喇。
《蘋果》就問到Heidi,點解會遇到黑男,佢回覆話:「嗰日咁啱有少少時間空咗出嚟,咁就同助手一齊去食嘢,之後就遇到佢喇。」
Heidi仲話一開始黑男同佢傾偈先嘅,後來先知係拍片,講到搵唔到對象會唔會失望,佢就話:「配對唔到都冇失望,如果佢真係搵咗啲男仔嘅話,我都會好怕醜。」Heidi又話拍拖嘅事冇得急,都係想搵一個鍚佢嘅男仔出現,不過就唔係咁想發生異地戀,但如果搵到一個好鍾意嘅男仔都冇辦法。
empty
empty
Heidi喺台北被「野生捕獲」(FB影片截圖)
empty
佢好大方咁肯玩配對遊戲,仲好好奇。(FB影片截圖)
empty
Heidi仲發誓自己單身。(FB影片截圖)
empty
被問到職業時佢都大方回應。(FB影片截圖)
empty
(FB影片截圖)
empty
可惜最後Heidi要趕時間走先。(FB影片截圖)
empty
而黑男都盡咗力搵人。(FB影片截圖)
empty
不過搵到啱心水嘅男仔都唔係單身。(FB影片截圖)
empty
可惜最尾都搵唔到單身又啱條件嘅男仔。(FB影片截圖)