前隊長泰利對車路士念念不忘，最近返番葛咸訓練場醫腳傷，仲著埋車仔訓練波衫，同證實埋近期傳同干地不和嘅舊隊友大衛雷斯，同佢一樣係真傷。

泰利今夏離開效力22年嘅車路士，轉去踢英冠嘅阿士東維拉，本來場場都有得上陣，點知去到11月初對錫周三場波整傷，就一直倦勤，而佢最近就返番母會醫傷，喺籃軍治療室入面影住自己著番車仔訓練波衫，同場仲有同樣養緊傷嘅雷斯。

雷斯近期傳出同干地唔妥，可能一月會走人，仲有人懷疑佢其實冇傷，畀干地雪藏先真，但今次泰利放相上ig，反而可能有幫呢位舊隊友闢謠嘅作用。

----------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM