【工作量減少】連詩雅呼籲隔離朋友乖乖地 以免將疫情擴大
蘋果日報 2020/03/24 17:43
連詩雅ShigaCHRISTY黎紀君邢慧敏
連詩雅（Shiga）、黎紀君（Christy）和邢慧敏，今日在新蒲崗為網上直播平台拍攝烹飪節目， 其中Shiga直言今日負責試食，她說：「雖然淨係試食，但都有份煲咗個湯，好啱而家飲。」問到平日可有下廚煮餸給男友？她笑言：「我最叻煮公仔麵，最多煎隻蛋。」
向來拿手製作甜品兼教班的Christy就表示，因疫情影響，為大家安心近來專注一對一授課，又坦言生意多少有受影響：「前排情人節訂單的確少咗，近來好返少少，但大家都會Order小型蛋糕，可能都預喺屋企食，我仲會安排送貨服務。」
Shiga亦表示近來工作量減少，惟有專注做網上直播，望大家同心抗疫，又透露身邊有朋友早前外遊後要接受隔離，她說：「佢之前喺日本同朋友食飯，嗰位朋友後來確診，返到嚟香港佢都即刻入去政府嘅隔離中心，好彩檢測最後係陰性，亦令我覺得其實疫情可以離自己好近。」同時亦呼籲正接受隔離的朋友要乖乖地完成14天隔離，以免將疫情擴大。
（攝影：林賓尼）
Christy表示因疫情影響，為大家安心近來專注一對一授課。
Shiga近來工作量減少。
黎紀君、連詩雅和邢慧敏，今日在新蒲崗為網上直播平台拍攝烹飪節目。