北角健康村康勝閣昨（1日）有一名46歲男病人初步確診武漢肺炎，經醫院及衞生署覆檢後，檢測結果呈陰性。《蘋果》記者今到達康勝閣，大廈外已貼上告示，業委會於昨日以告示通知住戶大廈有確診個案，並指管理處會安排全幢大廈清潔消毒。此外，現場亦見清潔工人穿上保護衣噴灑清潔劑消毒，有住戶對於大廈有人確診感到憂心，但亦有住戶不感擔心，「沙士嗰陣都係咁過」。

馮生馮太於昨日得悉大廈有人確診，直言「梗係擔心會傳染啦，最驚就係傳染到，有後遺症好慘，唔死都一身殘」。馮生指得知大廈今日已先後全面清潔消毒兩次，但仍感憂心，「你唔知佢用咩嚟抹，不過應該都OK，始終呢啲樓有房協睇住」。馮生指一家人自疫情爆發後已減少外出，馮太大約4、5日才外出一次，馮生笑言「而家同武漢都無咩分別，惟有做好自己」。

方婆婆本身並不知道大廈有人確診，得悉後表示「我無擔心過，沙士我都係咁過啦，最緊要take care好自己」。她指在有確診個案前，大廈日常清潔足夠，街坊外出時亦有佩戴口罩，「但有（確診個案）都唔係佢想」。方婆婆指自近日爆發疫情後，盡量避免在街上久留，「買完餸都返屋企，少去人多嘅地方」。

另一名稱不便透露名字的住戶特地買外賣回家，對於大廈有人確診，他指無法擔心太多，「而家周圍都係㗎啦，除非唔出街啦，日日都好小心」。他認為大廈的清潔工作足夠，每日仍會外出一次。

-----------------------------
【未敢忘記】03年沙士重溫
立即按此
-----------------------------
無懼警暴 學懂自救
《抗暴之戰●法例須知》讀果 上架
-----------------------------

《果GYM》隨身播 　健身壹App過！

一按即玩