陳瀅與賭王四太梁安琪囝囝猷亨拍拖逾半年，二人去年分手，有傳女方逼得太緊，心急想結婚，令猷亨提出分手，近日有傳猷亨追麥明詩，不過麥明詩就只係話佢同猷亨係識咗多年嘅好朋友。

麥明詩舊愛林作噚晚出席手錶活動，佢話冇儲錶習慣，將來嘅結婚戒指都係從簡，佢話結婚講心，阿媽教佢是但買隻就得，被問有傳四太叫囝囝猷亨追麥明詩，林作直言唔知，唔夠膽答，因為全部都係好朋友。

另外，猷亨舊愛陳瀅亦同場，佢大方祝前度好運，佢話：「因為佢追人，唔會酸溜溜，冇感覺。」佢而力證好友劉佩玥仍然單身，冇聽過佢身邊有富商嘅物體，另一位好友何雁詩已搬番自己屋企，自己則單身寄情工作。