好多年前，一位「胡關李羅」嘅律師問左丁山：「有乜股票可以投資？」左丁山講咗四隻地產藍籌股，佢搖搖頭：「唔得，有利益衝突。我哋係呢啲公司嘅律師。」於是再講幾間，佢又話有利益衝突，於是索性畀張報紙股票版佢睇，叫佢揀，揀完我去搵資料。佢望咗一輪，話：「都係咪搞，好多好多都係我哋同佢做過事，或幫佢上市嘅。」呢位律師後來離開胡關李羅，投身商界，唔知重有冇買股票呢？