今日前少時成員Tiffany、台灣型男高以翔齊齊現身中環出席活動，同場仲有唔少城中名人，就好似啱啱喺美國返嚟香港定居余安安細女李文騫（Sasha）。

問到Sasha返嚟香港定居同媽咪一齊住有冇唔習慣，佢就話：「同媽咪住都要習慣，因為有都8年時間冇一齊住。」問到有冇同媽咪嗌交？佢話：「一定會，不過同媽咪住係開心嘅。」相處之間有冇咩習慣要改？佢又話：「都冇嘅，不過帶咗隻貓返嚟，開頭佢都唔係太習慣，佢都唔想養寵物，不過依家都OK。」

問到佢會唔會帶男朋友見媽咪？Sasha話：「冇呀，可能遲D啦！可能遲啲識到香港男朋友，但之前啲男朋友都係美國人嚟。」至於嚟緊聖誕節，Sasha就話都係留喺屋企，食好食嘢，而佢依家就努力搵緊工。問到會唔會做幕前？佢話：「唔會喇，我鍾意睇，唔鍾意做，我都好鍾意睇媽咪做戲。」

更多娛聞，喺晒《娛果》
http://fb.com/appledailyent