韓國女神全智賢、「長腿Oppa」李敏鎬主演嘅SBS新劇《藍海傳說》將於今晚播出第11集，劇組今早就率先公開劇照。

上集講到李敏鎬聽到人魚全智賢真實嘅聲音，全智賢知道咗李敏鎬係騙子，李敏鎬亦知道咗女神人魚嘅身份，令李敏鎬感到好混亂。其後女神離開屋企，令啱啱確認彼此心意嘅兩人又再一次疏遠。劇照中，女神離家後就將李敏鎬買嘅嘢拎到百貨公司退錢，之後就一個人逗留喺百貨公司唔願離開，亦冇返屋企嘅意欲，表情仲一面落寞，唔知最後李敏鎬搵唔搵得返女神呢？