何家公子戀事多，除咗猷亨之外，猷君、猷啟感情方面似乎都幾暢旺。好似猷君咁，佢年中同新加坡富家女友林慧俐（Kimmy）分手冇耐，就同混血新歡拍拖行超市（相關新聞： http://bit.ly/2eJx6jF ）；而三房嘅猷啟同外籍女模Angelika拍拖似乎非常開心（相關新聞： http://bit.ly/2dCyKCz ）。反觀何家千金們，似乎佢哋嘅愛情運呢排就唔係咁順利喇！

何超蓮
早前有雜誌爆出超蓮同方力申去一齊去尼泊爾拍拖做義工，拍小方幫超蓮按摩，一時又話佢哋一支水兩份飲，疑似係發展「超力戀」，不過報道出街之後，超蓮就好快回應《蘋果》自己仲係單身：「其實真係唔係真，唔係拍緊拖，係朋友。」仲勁派好人卡畀小方o添！（相關新聞： http://bit.ly/2ex75ra ）

何超雲
超蓮嘅家姐超雲，早年同陳山聰拍拖非常高調，不過拍拖兩年最後都敵不過分手收場，2013年中宣布分手之後超雲生活變得低調，而感情方面多年嚟似乎都係keep住單身，社交網站都係擺同屋企人嘅合照。

何超盈
兩位弟弟猷亨、猷君愛情方面非常得意，而身為四房大家姐嘅超盈多年嚟都有唔少緋聞男友，不過佢近年專注事業，去年仲成立自己嘅公司超盈文化有限公司o添！