日本女星中川翔子出名係貓癡一名，佢目前養咗10隻貓咪，當中翔子對肥到有啲誇張嘅Mamitasu最愛錫，近年BEAMS為佢推出個人時裝品牌mmts，其實都係以翔子愛貓Mamitasu命名。

翔子嘅mmts最近又有新貨上架，今次再同經典動畫《我係小忌廉》炮製一系列夏季新裝，大家都知小忌廉有一對外星貓仔嘉寶、嘉麗，而呢批新貨仲會加埋卡通版Mamitasu大玩Crossover，翔子當然要率先試着，仲充當model硬銷新貨。其實，翔子不嬲都想捧Mamitasu做貓明星，上年就抱住愛貓拍唱片封套。