噚日下午，45歲嘅陶喆開記招，直認同「最強小三」、23歲嘅楊子晴有婚外情，同時又用PowerPoint喺記招上展示兩人情慾短訊，直指係楊子晴先勾搭佢去密會。鞠晒躬道歉後，陶喆馬上同老婆Penny及其他好友開餐，遭網民譏似足「開慶功宴」咁樣樣。

由否認婚後繼續交往，到鞠躬道歉同時又將責任推到楊子晴身上，令陶喆形象再跌。就連台灣深音樂人、因為「爺孫戀」而人氣急升嘅李坤城，噚晚都喺fb指陶喆「是愚笨又悲慘的再婚單身漢。」

李坤成將同樣已婚嘅周杰倫，與陶喆相比，表明兩人區別清楚:「周杰倫是聰明又幸福的已婚好男人，而陶喆則是愚笨又悲慘的再婚單身漢。」更直指「陶喆惹毛了中國九十後四川姑娘這麼個樣兒」。李坤成仲分析謂，依家大陸人民已經今時唔同往日，知識水平提升，結論係：「台灣藝人到中國玩樂撈金勢必得要調整心態」。

59歲嘅李坤城，同19歲小女友林靖恩（阿溫）拍拖逾兩年，上月李坤城更許諾出年11月迎娶林靖恩。有指林爸爸至今仍堅拒接受呢位比自己個女仲要大40年嘅「女婿」。這段爺孫戀，彷彿已不再是兩個人的事，更有不少網民呼籲李坤城「放生」林靖恩。

是以今次李坤城個fbpo一出，即又引來不少網民迴響，但針對的不是陶喆，而是李坤城，留言如:「噁心又噁心的騙婚癡老漢」、「跟你這個破壞別人家庭只顧著自己爽的老頭好多了吧！」、「我情願看爬牆偷吃，我也不願意看到老牛吃嫩草的變態老痴漢！！」、「自己也在承受他人的評論，應該知道輿論傷人，為什麼還要出口傷害別人？」、「一看到標題就馬上想到他有資格說別人嗎？結果一滑留言大家都是一樣的想法！」

唉…