擁34D豐滿上圍嘅袁嘉敏，上個月中就被影到同6呎老外喺街上忘我舌戰，有指該老外Kenneth有樣有家底，袁嘉敏尤如中頭獎！噚晚佢就第一次帶老外新歡亮相夜店開張活動，同場有美國R＆B女歌手Ciara和傅明憲等。

袁嘉敏全程同男友十指緊扣，佢甜到爆咁話：「我同佢識咗幾個月，今晚佢嚟係保護我！」佢透露新歡係比利時同意大利混血兒，家族生意包括酒店業同紡織業。佢透露男友對她以往嘅性感演出呷醋：「佢試過有晚叫我坐低，陪佢睇晒我拍過嘅戲，但我阻止咗佢。」問佢係唔係聽男友建議，所以穿得密實？佢就話：「我今晚有露背㗎！」不過記者就發現佢背布長滿瘡瘡印，慘不忍睹！