港府噚晚喺灣仔君悅酒店為國務院副總理李克強舉行歡迎晚宴，宴會表面風光，採訪嘅記者卻被諸多留難，警方更高度監控記者一舉一動，連上廁所都由警方人盯人式「護送」。
八方噚日抵達君悅，按規定早成個幾鐘頭去登記兼做安檢，但原來所謂嘅採訪，係見唔到李克強真身，只安排記者喺一間房仔睇晚宴直播。面對咁無理嘅安排，一眾記者已經谷到一肚氣，點知入咗房後，有行家想去洗手間，卻俾警察攔住，話要等齊五個人先去得，仲要安排兩名警員「護送」兼喺廁格外站崗，當正記者係犯人咁看待，離譜到極。