【咁老公係咪瘦晒…】陳嘉寶成為人妻後 7日肥咗兩公斤!
陳嘉寶衛詩雅
衛詩雅同陳嘉寶噚晚喺中環出席活動,之前喺東京拍服飾廣告嘅衛詩雅唔小心冷病咗,佢話可能之前太攰同太忙,仲唔見咗銀包:「臨去日本前唔見,要拎行街紙,由細到大都冇試過。」佢話好彩之前生日有利是,可以用利是錢出街,點知又係經理人架車搵番個銀包。
陳嘉寶婚前激瘦,婚後即刻增磅,佢話:「一星期已經肥咗兩公斤,出年開電影,所以唔可以走樣。」
講到好朋友何雁詩同男友用倒勾狗鏈綁狗,陳嘉寶覺得係誤會:「佢哋好錫小動物,隻狗周圍食嘢都好緊張。」
但有指何雁詩父親對鄭俊弘冇好感,陳嘉寶就話冇留意。講到聖誕,佢話已經安排31號搞,仲有指定服飾,仲話明會直播同係素顏派對添!
更多娛聞,喺晒《娛果》
http://fb.com/appledailyent