【李華華Online】港交所女高層敲鑼慶婦女節 唔見查太身影
蘋果日報 2020/03/09 18:16
港交所史美倫李華華陳翊庭劉碧茵
陳翊庭（左二）及劉碧茵（右三）敲鑼慶祝「三八婦女節」。
原來上市會敲鑼之外，港交所（388）今日都搞咗個敲鑼儀式慶祝「三八婦女節」，年頭上任嘅上市主管陳翊庭（Bonnie）同啱啱升職嘅財務總監劉碧茵（Vanessa）都盛裝出席，率領一班女高層宣揚男女平等同職場多元，但竟然唔見掌舵人史美倫（查太）嘅身影。
依家唔少女性都係金融界女強人，查太更喺2018年打破港交所傳統，成為首位女主席。而且，最近有唔少重要職位改由女性擔大旗，港交所就話管理委員會有成38%係女性成員，比嚿年升咗17%，高過行業平均水平添。今年港交所仲搵嚟四位唔同team嘅女同事，以網上短片形式分享佢哋喺職場同家庭上嘅親身經歷。
港交所近年改咗《上市規則》，如果上市公司董事局成員只有單一個性別就要解釋，另外亦都要披露員工性別嘅比例等等。
李華華