日本王牌監製秋元康力捧組合櫸坂46出道一年成績驕人，推出四支單曲都登上銷量榜冠軍，今年4月上架嘅《大協和音》更累積75萬張，成為2017上半年最暢銷單曲嘅第4位，令組合人氣再下一城。

櫸坂46由聽日滿16歲嘅平手友梨奈作主將，組合已鐵定7月19日推出首張專輯《潔白物不想被沾污》，唱片共分唔同封套嘅三種形式發行，Type A、B都係雙CD包括四首單曲共廿幾首作品，並附有一隻DVD，而Type C就收錄全16首新歌，平手友梨奈更有solo作品《自己的棺》，下月底更會到京都、愛知、千葉搞大型握手會造勢，肯定又會吸引粉絲鼎力支持。