【韓流】徐玄客串令劉延錫咀姜素拉
蘋果少女時代香港少時即時徐玄咀嘴姜素拉劉延錫心情好又溫暖醋意大發
韓國組合少女時代(少時)成員徐玄,最近相信係戲癮大發,呢頭先客串完金秀賢主演嘅劇集《製作人們》,轉頭佢又睇中咗姜素拉同劉延錫合演嘅MBC劇集《心情好又溫暖》,客串演出第13集,仲成為「姜劉」咀嘴嘅助攻手。
呢一集會喺今晚播出,從預告片可見,徐玄同姜素拉約咗成班朋友飯局,兩位靚女自然一齊坐,而劉延錫就唔知點解嬲爆爆咁企喺度。後來徐玄推咗姜素拉一下,搞到姜素拉唔小心錫咗隔離個男仔,呢一嘢激到劉延錫醋意大發,走埋姜素拉度捉住佢來啜嘴,表現好man又霸氣。