由韓劇《奇皇后》女星河智苑孖男團CNBLUE成員姜敏赫主演嘅MBC新劇《醫療船》前晚首播，不過就被批評劇情一般，噚晚播出第3及4集，收視就下跌至8.9%及9.9%，不過依然係同檔劇集第一位。

而SBS《再次重逢的世界》噚晚播出第27及28集，收視跌至4.6%及5%，排同檔第二名。金在中及UIE主演嘅KBS《Manhole》收視依舊慘不忍睹，以2.2%收視墊底。

由於《Manhole》收視一直唔理想，近日有傳劇組更換編劇，KBS方面就回應：「唔係換編劇，而係追加新編劇共同製作，投入更能靈活執筆嘅新編劇。」