名攝影師夏永康（WingShya）前晚在中環舉行影展，大群圈中人捧場，包括吳彥祖（Daniel）拖着女友LisaS.、陳自強、2R、原子鏸，林海峰、貝安琪與母親、謝婷婷與樂基兒等。近日有傳33歲的Daniel購入西貢滿湖花園一幢2,000呎獨立豪宅，以迎娶28歲名模女友LisaS.，前晚一對情侶恩愛拖手出現，Daniel因喉嚨不適，聲沙沙地說：「唔係咁㗎，我係買樓，但唔係結婚。」

夏永康接受訪問表示，今次影展多是舊作品，稍後會為林海峰明年1月推出唱片拍封套。問到會否以其在當街小便事件覓靈感，夏永康說：「佢反正都俾人影，唔打格仔仲好。」林海峰得悉後說：「我俾雜誌影時係不在狀態，當時好早，今次影嘅話，我會做好啲！」他又謂向來出碟，封套都不影自己，以免影響銷量，問到可會影大膽相，林海峰說：「通常係偷影，但WingShya嘅人格做唔到。」
陳自強談到早前喪夫的鍾楚紅，他說：「我哋有通電（話），佢仲叫我做老竇，我叫佢做女，大家心照，如果話佢好開心，大家都唔信。」陳自強謂不會故意約紅姑飯敍，他說：「佢要時間冲淡同忘記。」陳自強透露，其弟於一個月前出殯，死於爆血管，「我都唔會成日掛嘴邊，唔開心唔使講出口，人生唔係咁簡單，要及時行樂呀，人要走冇得選擇㗎！」
姊妹組合2R透露將分開發展，Rosanne稍後推出個人國語大碟，現正積極練歌排舞，希望予人新鮮感，她說：「Race會主力拍劇同電影。」Race將參演與郭品超合作的台灣偶像劇，問到有沒有咀戲，她說：「Idon'tknow.」在旁的Rosanne謂：「佢都想呀！」Race可會被郭品超電到？Rosanne代答：「佢太高，電唔到。」Race笑說：「好似電燈柱咁，佢份人好nice嘅。」
採訪：駱華齡
攝影：仇志德