下周要應付歐聯出線大戰的拿玻里，周五先在意甲主場鬥國際米蘭；以拿玻里近六仗只得一勝頹勢，加上歐聯前夕聯賽戰績亦差，唔似讓得起。近況回勇的國米受讓半/一宜取下盤。（球賽編號：星期五19；無綫網絡電視302台明日3:45am直播）

拿玻里分心歐聯

拿玻里在歐聯B組排次席，與榜首的賓菲加同分，但僅領先第三位的比錫達斯一分，下周二作客賓菲加上演出線生死戰，今仗難免分心。事實上球隊近況亦差，近六仗只得一勝四和一負，近三次歐聯前夕聯賽，更加只得一勝兩負，前鋒米利克因傷長唞，球隊亦未找到攻擊重心。
國米下周亦要應付歐霸盃，不過球隊已經出局，可將重心放回聯賽，戰績亦見冒起，近三仗聯賽不敗，包括上仗4:2大勝費倫天拿，前鋒莫路伊卡迪（圖）狀態大勇，近三場入四球，今季意甲已累積12球，與羅馬的迪斯高並列射手榜首，無懼有前鋒柏拉斯奧、中場加利美度等長期傷兵，加上上季與拿玻里連同盃賽交手，累積兩勝一負較佳戰績，受讓值得一博。
文：牽牛