秦沛有兩段婚姻，與前妻梁盛子誕下姜文杰和姜麗文，後來兩人離異，有傳Paul哥將大部份資產送給前妻，條件是要一對仔女的撫養權，當年的Paul哥是出名的「帶子洪郎」。現任妻子森下繪梨的出現，改寫了Paul哥一生，影響他最深的女人：「我𠵱家個老婆，將我兩個仔女教到大學畢業。佢好叻，處理我啲臭脾氣，話我聽應該點處理。」

Paul細訴對妻子的感恩：「佢斗零都放棄晒，嫁畀個窮小子，我嗰時冇乜錢。我都好慘㗎，訂婚戒指都唔夠錢買，要問佢借，不過我還番畀佢。都好多錢㗎，問佢借咗十幾萬，幾大粒㗎嘛，所以咪還囉，拍一部戲咪還啲，還晒㗎喇。佢細我七歲，但成熟過我好多，教我投資。」問Paul哥有甚麼話想對太太說？「叫佢健康囉，睇住我呀！佢身體OK嘅，𠵱家喺加拿大。呢幾年我喺邊佢喺邊，陪住我。」