「香港有好多黐線佬，我哋係其中一個；喺香港講夢想已經被視為黐線！」5名自稱「黐線佬」的飛機迷，站在陸地聽着高空的飛機引擎聲，已能認出飛機型號、推斷是2時48分延誤的航班；「香港人對飛機嘅認知可能就係邊度有平機票、打風時班機延誤好躁，但我哋想大家知嘅係呢啲事背後嘅知識」。追夢的同時，他們把過程中看到的航空世界帶給門外漢。
100多年前人類發明飛機前，未曾想過能夠飛越七大洲，飛機發展永不會滿足於當下的性質，令5名大男孩着迷至深，「飛美國10幾個鐘，點解唔可以4個鐘飛到美國呢？係會不停研究進步，而人類可以喺過程中學習」。

「淨係識影相先係飛機膠」

5人開設facebook專頁「Flight Store」，講解飛機知識；這5名18歲至29歲的大男孩，無論學業或職業都專攻航空範疇，「我哋係飛機迷，唔係飛機膠，膠係指巴士行過、飛機飛過，追住影張相但乜都唔識，嗰啲就係膠」。
Vincent大學時修讀精算學，畢業後當上空少，卻非為了環遊世界，而是要方便認識飛機知識，現更投考機師：「香港將本來喺其他地方唔係夢想嘅嘢，都會冠名為夢想，然後要行一條迂迴嘅路實現夢想，係好荒謬。」Jack中學畢業後已修讀航空學科及於航空界任兼職，對飛機知識的追求，旁人眼中或是一名黐線佬，但他說：「人哋覺得我哋黐線，但我覺得眾人皆醉我獨醒，換個角度，都可以話眾人皆醒我獨醉，不過我鍾意咪得囉。」
Ricky則自8歲已對飛機有興趣，慢慢鑽研專業知識，他指：「KOL講得好好但係錯，但我哋想（透過fb文章）釐清謬誤。」
專頁上的飛機知識，對飛機迷可能是常識，但對門外漢卻是不常見的常識；雖然文章內容較深奧，但他們指客源並非只限門內漢，期盼同時成為門外漢的知識傳送門。
5人強調，愛迪生發明燈泡，但這個夢想不只愛迪生才有，愛迪生都要有人扶持才能圓夢，認為即使無法成為愛迪生，但若能把知識成全別人成為發明家，即使只是齒輪，也是推動夢想成真的一步。
■記者梁佩珊