【新增回應】
大隻仔唐文龍今年5月開始咳，佢都喺社交網呻過病咗要食藥，久咳難醫，原來至今都未好，佢今日再喺Instagram貼出X光相，終於找到病因：「醫治了70日，原來早已經是鼻竇炎，但前日照完X光才知道.....無奈.....又不知多久才好，再吃多久消炎藥才好.....真的要去找個專科耳鼻喉看看。」

其實唐文龍5月中都貼過相，佢當時都因為咳得好勁，聽醫生講咗去照肺，佢留言：「人生面對最厲害的咳嗽，喉嚨發炎，終於變成氣管炎。照了『肺』，醫生說氣管『厚了』，要立即醫治，會好的，7日藥(好多藥），我累了，希望會儘快康復。」由喉嚨發炎，變到氣管炎，再變成鼻竇炎，唐文龍真係變咗「藥煲」。

唐文龍今日回覆《蘋果》，講到家情況，佢話：「係啦，激死人，病咗咁耐，家先照到係鼻竇炎，我過兩日book咗耳鼻喉專科，之前我見臉骨痛，睇中醫同我臉做刮痧，好咗少少，我又無理。」

精選娛聞，喺晒《娛果》
http://fb.com/appledailyent