【離開無綫無損人氣】前新聞主播梁凱寧感激fans支持：好珍惜對我嘅寵愛
蘋果日報 2020/03/06 20:57
香港早晨梁凱寧香港開電視
（網上圖片）
前新聞主播梁凱寧（Maggie）在2019年9月離開任職六年的無綫，其後轉投香港開電視兼轉型做清談節目主持人，不過仍然無減她的人氣，仍然是網民心目中的女神。今日梁凱寧在社交平台出post，表示自己Instagram已經有5萬個Followers，她說：「我知道呢個數字對好多人嚟講都唔算多，但我都想借機會多謝一路以嚟支持我嘅朋友，我一直都好珍惜粉絲對我嘅寵愛，六年做新聞主播及記者嘅生涯入面，粉絲寄俾我嘅信同禮物，我全部都保存到而家，粉絲來自五湖四海，有本港、有海外、有基層、有專業人士、有小朋友、有長者、有殘障人士、更有來自獄中的朋友。」
她還說：「最感動嘅係有位用輪椅代步嘅朋友話我聽，每日喺《香港早晨》見到我報新聞同天氣報告，就係佢嘅精神食糧，睇完我就會成個人開心哂，會充滿正能量咁努力活下去，我從來冇諗過原來做主播都可以用呢種形式幫人打氣，幫到有需要嘅人。近日收到一位英國粉絲寄嚟嘅包裹，打開入面竟然有口罩、酒精搓手液等抗疫物資，我真係好感動，有人係咁遠嘅地方都關心我夠唔夠口罩用。又會有粉絲定期幫我畫人像素描、製作MV、又會日日send Instagram/Facebook message畀我，我通通都有睇，但恕未能一一回覆。」
最後梁凱寧亦溫馨提示大家：「知道有唔少朋友仍會寄信去TVB畀我，但我已經轉咗公司喇，若果想寄信畀我，可以寄去荃灣有線電視大樓，我會收到的！再次多謝各位支持，亦祝各位身體健康，戰勝疫症！」
梁凱寧離開大台後，仍然受到網民支持。（網上圖片）
梁凱寧感謝大家的支持。（網上圖片）
梁凱寧一直有KEEP住FANS寫給她的信。（網上圖片）