皇家馬德里前鋒艾華路莫拉達最近先小登科，個幾星期前同愛麗絲拉埋天窗，之後就飛去伊維薩島度蜜月。不過來季去向未明嘅莫拉達，為咗加速轉會曼聯嘅進度，決定提早返馬德里處理有關事務，暫時同老婆分飛燕先。

據西班牙《阿斯報》報道，莫拉達希望可以轉投英超曼聯，近排不時有同紅魔領隊摩連奴通電話，之後要睇曼聯同皇馬就轉會費傾唔傾得掂數。莫拉達返去馬德里，據報老婆愛麗絲就繼續留喺伊薩維島，玩埋老公嗰份。