前歌手黃寶欣跟友人合資在九龍城開店「酥妃皇后」，主打酥皮蛋撻，今早7時許，員工返店準備開門營業時，發現大門鐵閘遭人淋上腐蝕性液體（疑似起漆水）惡意破壞，警員接報到場調查，列刑事毀壞案件處理。

《蘋果》聯絡黃寶欣了解，她在電話表示：「唔係我報警㗎，係第一個返到公司嘅同事見到，問完我partner之後就報警。我哋其實睇番CCTV，問過啲『專業人士』，都見到唔係『專業人士』做，我哋揣測應該可能係啲員工糾紛，而家都未知，同埋我今日好多嘢做，了解唔到咁多，其他細節都交畀partner做。」

問寶欣怕唔怕自身安全？她說：「又唔係好怕自身安全，我諗嗰個人都冇乜傷害性，可能都係一時衝動啫！我諗我對人咁好，為人又咁正直，又咁心地善良，應該唔會有事啩，你唔好嚇我啦！」

寶欣又笑言，自己在舖頭都是做跟客人傾偈、收銀的工作，關於營運及今次件事的處理方法，都交給partner跟進。

現年54歲的黃寶欣參加第4屆新秀歌唱大賽入行，當年跟鄭敬基合唱《酒杯敲鋼琴》一曲成名，20年前逃離娛樂圈轉行做保險，之後成為全職家庭主婦，婚姻失敗後專心事業發展，跟友人合資開店「酥妃皇后」做老闆娘，周潤發都有幫襯。

【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9