劉愷威及楊冪噚日喺印尼峇里島嘅酒店舉行盛大婚宴，新娘子仲感觸數度落淚，場面感人﹗這邊廂劉氏伉儷大晒新婚恩愛，那邊廂愷威過氣女友廖碧兒，今日就無懼寒冷，拋晒胸搏晒命出席遊戲機活動。廖碧兒仲即席揮毫寫揮春，其間佢多次俯身騷事業線，相當sexy﹗

感情生活仍然一片空白嘅廖碧兒，眼見舊愛陳豪及劉愷威都開花結果，難怪佢受訪時都直認恨要桃花，佢話：「我今年都想有多啲桃花，2014年係新開始，工作上都好需要桃花，我唔知幾時拍拖，等我同公司度吓期先。」

講到陳豪及愷威先後結婚，陳豪去年仲做埋老竇，廖碧兒表示大方戥佢哋開心：「係呀，我都戥人哋開心，好多朋友都有喜事，我都有恭喜佢哋。」問到喺微博祝賀愷威後，會唔會再致電恭喜舊愛？佢話：「我都係啱啱返嚟香港，覺得已經足夠！」