【《延禧》妃嬪鬥靚】佘詩曼「後生」20年做嫻妃無難度 揭無瑕肌「逆齡」攻略
佘詩曼雪花秀延禧攻略嫻妃人參煥顏
佘詩曼(阿佘)憑住《延禧攻略》「嫻妃」一角最近爆紅中港台。劇中同佢爭寵嘅女星,年齡全部都細過佢,好似飾演魏瓔珞嘅吳謹言,現實生活中係28歲,而演富察皇后嘅秦嵐就37歲、演高貴妃嘅譚卓係35歲。阿佘戲中角色設定為23歲嘅「嫻妃」,雖然比現實年齡43歲要「後生」20年,感覺有少少勉強,但佢勝在有演技搭夠。其實,阿佘除咗要逆齡拍戲,呢排仲要周圍飛去宣傳呢套劇,不過見佢依然容光煥發,都應該好有一套護膚攻略。
阿佘喺劇入面嘅角色係相當怕老,原來佢戲裡戲外都好貫徹,好似之前佢出席雪花秀嘅活動,佢就講到現實生活中同戲入面角色一樣,唔願接受皺紋,更講笑皺紋係「最討厭的東西」,佢對傳媒大講護膚心得:「我後生時間覺得要預防,所以20年前已搽頸霜、面霜,搽得好足,手肘都好緊要,所以o依家仲可以。」講返當日拍攝《延禧》時係夏天,要拍足兩個月,皮膚好受挑戰,面對45度高溫,皮膚非常缺水,更笑言要同劇中女主角交換保濕方法,最後發現撐傘搽防曬,再加敷面膜最有效。除咗做足護膚,阿佘平時養生都好注重,就最鍾意食生果同大量飲水,先keep到無瑕肌。
精選娛聞,喺晒《娛果》
http://fb.com/appledailyent
43歲的阿佘keep得好好,護膚到養生都一絲不苟。(資料圖片)
阿佘講到護膚心得,由頸到手肘都唔會放過。(資料圖片)
阿佘真實年紀係43歲,但喺《延禧》中飾演嘅嫻妃,角色設定係23歲。
阿佘與吳謹言現實中年紀相差15年,但看起來絕對唔似。
阿佘喺《延禧》中,同眾女星鬥靚鬥演技,戲外齊研究護膚心得。