日本女歌手中島美嘉代表作《雪之華》從2003年推出後已成為經典，多年來已有唔少歌手翻唱，就連香港、中國及韓國都有歌手改編成唔同版本。

為紀念《雪之華》已經15周年，今日宣佈會將歌曲拍成純愛電影，由男子組合三代目J Soul Brothers主音登坂廣臣夥女星中條彩未擔任主角，早前二人已飛往芬蘭取景，片商今日公開首支預告片，安排明年2月搬上大銀幕。

《雪之華》電影版故事講述男主角悠輔立志成為玻璃工藝家，與將不久於人世嘅美雪發展出一段動人故事，登坂廣臣早前同中條彩未喺芬蘭為電影進行拍攝時，因各自在社交網上載睇世界盃片段，網民發現兩人電視及背景一樣，一度誤傳地下情消息。

至於原唱者中島美嘉昨日以古銅膚色亮相東京電視台直播音樂祭，佢有獻唱《雪之華》，又同倖田來未合照。對於15年前舊歌被拍成電影，中島美嘉自言感到驚訝，更令佢體會好歌可以跨越唔同時代。

精選娛聞，喺晒《娛果》
http://fb.com/appledailyent