當年今日

煲碟王:《貓女俠》捉到賊嘅好貓

蘋果日報 2005/01/16 00:00


之前曾經喺《蝙蝠俠》系列出過場嘅貓女,有唔少戲迷都可能還有印像,不過當時只可算係大配角,而喺《貓女俠》一片中,貓女終於擔正成為主角,並由03年榮登奧斯卡金像影后嘅黑人女星荷爾芭莉(HalleBerry)以一身性感惹火造型飾演,睇落亦有唔少新鮮感,新返3區DVD碟,不妨看看貓女俠如何伸張正義。

記者:許福合
這套《貓女俠》選角方面都曾經有多個人選,全係有實力星級明星,不過後來因為檔期等因素,其中兩位女星皆未能參演,最後就由03年曾榮登奧斯卡金像影后嘅黑人女星荷爾芭莉出演《貓女俠》嘅靈魂人物貓女,有具名氣影星出演,加埋電影迷一向相當受落漫畫人物作題材,未上畫亦一直人氣高企。
empty
■黑人女影后荷爾芭莉,將貓女演得生動人性化。
埃及貓賜力量
故事講到菲絲原本係一個柔弱嘅人,在鹽湖城過着平靜嘅日子,為一間化妝品公司出任美術設計師,但一次無意中,菲絲發現咗公司老闆(班哲文畢烈特飾演)和他妻子(莎朗史東飾演)嘅犯罪秘密,最後更被派出殺手殺死。這時一隻曾被菲絲救過埃及貓出現,為咗報恩,它施展法力使菲絲獲得重生。復活後菲絲擁有神秘且強大嘅力量,動作變得敏捷,身懷絕技,同時具備咗貓嘅洞察力同直覺,成為貓女俠。當換上緊身皮衣,貓女俠菲絲會生活於黑夜,並四出尋找線索以揭發仇人陰謀。
empty
■菲絲原本過住平凡生活,任美術設計師。
empty
■爬出窗外,救回一隻埃及貓,可以話種因得果。
empty
■一次無意中,菲絲發現公司老闆嘅犯罪秘密。
empty
■最後由埃及貓施展法力獲得重生。
兩代性感女神
欣賞此片,當然會留意到此片角色造型,主角菲絲一身性感皮衣、皮鞭當然夠晒搶鏡,不過同場另一位上代性感女神莎朗史東亦相當搶戲份,還記得《本能》時,莎朗史東人氣度可以話一時無兩,而在《貓女俠》中,莎朗史東亦顯示出那種型格,雖然青春不再,但扮演貓女俠嘅死對頭海戴爾,一個冷傲外表下,隱藏邪惡嘅角色,對她來講亦唔算難事,與荷爾芭莉一同出演,亦有唔少火花,可以話將劇中男角都比下去,所以觀眾欣賞此片時,必定要留意一下,兩代性感女神演技大鬥法。
empty
■穿上一身皮裝,外形可能比蝙蝠俠還要吸引。
empty
■同探員一段情,可算係劇中一個點綴。
empty
■莎朗史東外形冷豔,與角色相當合襯。
漫畫中誕生
貓女俠這一角色一開始從漫畫中誕生,原來已經經歷咗60多年。原版漫畫中貓女被設定為同蝙蝠俠對立嘅人物,可以話亦正亦邪,而真人版貓女能予人深刻印像,一身異常火辣嘅裝扮加上性感身段更凸顯貓女本色,正如荷爾芭莉在訪問片段中提到:「貓女身懷絕技,能像貓一樣跳躍,或者做貓所能做一切動作,但要知道,貓女並唔係超人,所以劇中她不會做出「正義」之舉,只係想做就去做。」不過電影終是電影,觀眾還是希望會有個完美結局,最終貓女站到正義嘅一面,成為打擊犯罪分子嘅英雄。
empty
■配合「道具」,要去邊都唔係難事。
empty
■重生後擁有神秘力量,入樽都易過借火。
empty
■對自己力量有懷疑,當然要請教專家。
Bonus:人物訪問
DVD碟中還收錄咗多個劇中主要主角、導演訪問,想知道多啲拍攝背景花絮就要記得煲埋。
empty